भिर कटान गर्न नसक्दा, मध्यपहाडी लोकमार्ग निर्माणमा समस्या

भिर कटान गर्न नसक्दा, मध्यपहाडी लोकमार्ग निर्माणमा समस्या

जाजरकोट, ११ मङ्सिर (रासस) : मध्यपहाडी लोकमार्गको जाजरकोट खण्ड निर्माण शुरु भएको नौ वर्ष बिते पनि झार्पा र कार्कीगाउँ बीचमा रहेको मन्ता भिरखण्ड

कालङ्गा सुरुङभित्र मजदुर थुनिए
फ्रान्सेली नागरिकको मृत्यु
धार्मिक पर्यटक आकर्षणका लागि एक सय आठ धारा निर्माण गरिने

जाजरकोट, ११ मङ्सिर (रासस) :

मध्यपहाडी लोकमार्गको जाजरकोट खण्ड निर्माण शुरु भएको नौ वर्ष बिते पनि झार्पा र कार्कीगाउँ बीचमा रहेको मन्ता भिरखण्डको बाटो निर्माण हुन नसक्दा समस्य हुँदै आएको छ । कुदुदेखि सुयाडासम्मको ८७ किमि सडकसमेत खुलिसकेको छ तर भन्ताभिरको ५०० मिटर चट्टानका कारण नौ वर्षदेखि सडकको काम अलपत्र परेको हो । गत वर्षदेखि जाजरकोट खण्डको ३५ किमि सडकको स्तरोन्नतिको काम शुरु भएको छ । अन्य स्थानमा यातायातका साधन सञ्चालन भइरहेका छन् । मन्ता र कालढुङ्गा भिरका कारण जाजरकोट खण्डको पूरै ट्र्याक खुल्न नसकेको हो । एकैसाथ निर्माण शुरु भएको रुकुम र दैलेख खण्डमा भने दुई वर्षअघि नै स्तरोन्नतिको काम शुरु भएको थियो । अहिले दुवै जिल्लामा स्तरोन्नतिको काम अन्तिम चरणमा पुगेको छ । जाजरकोट खण्डमा भेरी नदी र थलहजारमा पुल बन्न नसक्दा सडक निर्माणले गति लिन नसकेको हो । मन्ताभिरमा काम गर्न छोडेको सात वर्ष बितिसकेको छ । मन्ताभिर खण्डको निर्माणको जिम्मा लिएको दिव्यज्योति निर्माण सेवाले कडा चट्टान भएको भन्दै सडक निर्माणको काम अलपत्र पारेको हो । मध्यपहाडी (पुष्पलाल) लोकमार्ग योजना कार्यालय, दैलेखका प्रमुख नारायणप्रसाद निउरेकाअनुसार ठेक्का लागेको नौ वर्षसम्म पनि भिर फुटाउने काम सम्पन्न हुन सकेको छैन । “मन्ताभिरको ५०० मिटर कडा चट्टान फोड्ने काम नहुँदा उक्त स्थान जटिल बन्यो । मन्ताभिर काट्न तयार नभएपछि ठेकेदारलाई पेनाल्टीसमेत लगाएर कारबाही गरियो”, “मन्ताभिरको ५०० मिटर कडा चट्टान फोड्ने काम नहुँदा उक्त स्थान जटिल बन्यो । मन्ताभिर काट्न तयार नभएपछि ठेकेदारलाई ‘पेनाल्टी’समेत लगाएर कारवाही गरियो”, उहाँले भन्नुभयो, “तर अझै पनि उक्त भिर कसरी फोड्ने भन्ने’bout अन्योल छ ।” उहाँले चालू आवभित्र भिर फोड्ने काम सकिने आशा व्यक्त गर्नुभयो । चालू आवमा लोकमार्गको कार्की गाउँबाट दशेरा हुँदै सुयाँडासम्मका लागि स्तरोन्नतिको ठेक्का टेण्डर कार्यालयले जनाएको छ । कार्यालयका अनुसार साढे २ अर्ब रुपैयाँको लगानीमा स्तरोन्नतिका लागि बहुवर्षीय ठेक्का भएको हो । बोलपत्रको प्राविधिक कामको मूल्याङ्कन भइरहेको योजना प्रमुख निउरेले जानकारी दिनुभयो । उहाँले उक्त बोलपत्रबाट मन्ताभिरको समस्या समाधान हुने बताउनुभयो । थलहबजारको पुल निर्माणको काम पनि चालू आवमै सकिने उहाँको दाबी छ । उता पश्चिम रुकुमको चौरजहारी र जाजरकोटको कुदु जोड्न भेरी नदीमा पुल निर्माणको काम शुरु भएको सात वर्ष बिते पनि अझै पूरा हुन सकेको छैन । पुलको जगसमेत पूरा हुन नसकेको स्थानीयको भनाइ छ । स्थानीयका अनुसार निर्माण शुरु भएको तीन वर्षमा सम्पन्न हुनुपर्ने पुलको पिलर काम पनि काम हुन नसकेको हो । पुल निर्माणका लागि वाइपी कन्स्ट्रक्सन प्रालि, ललितपुरले २०६९ सालमा ठेक्का सम्झौता गरेको थियो । “स्तरोन्नतिपछि सडकमा सात मिटर पिचसहित नौ मिटर चौडाइको लोकमार्ग बन्नेछ”, निउरेले भन्नुभयो, “तीन वर्षभित्र सडक स्तरोन्नतिको काम पूरा गर्ने लक्ष्य छ ।” यो ठेक्का खोल्नु नै जाजरकोटको लागि छलाङ भएको उहाँले दाबी गनुभयोे । पाँचथरको चियोभञ्ज्याङदेखि बैतडीको झुलाघाट पुग्ने १ हजार ६६५ किमिको लोकमार्गको जाजरकोट खण्डले दुई नगरपालिकालाई मात्र छोएको छ ।

COMMENTS

WORDPRESS: 0
DISQUS: